ਜੇ ਰੱਬ ਮਿਲਦਾ… ਡਾ.ਜਸਬੀਰ ਕੌਰ
"ਜੇ ਰੱਬ ਮਿਲਦਾ ਨ੍ਹਾਤਿਆਂ ਧੋਤਿਆਂ
ਤਾਂ ਮਿਲਦਾ ਡੱਡੀਆਂ ਮੱਛੀਆਂ"!
ਤਾਂ ਮਿਲਦਾ ਡੱਡੀਆਂ ਮੱਛੀਆਂ"!
'ਧਰਮ' ਕਿਸ ਨੂੰ ਕਹਿੰਦੇ ਹਨ? ਧਰਮ ਦੀ ਸਹੀ ਅਰਥਾਂ ਵਿਚ ਕੀ ਪਰਿਭਾਸ਼ਾ ਹੈ ਕੋਈ ਨਹੀਂ ਜਾਣਦਾ ਤੇ ਨਾਂ ਹੀ ਜਾਨਣਾ ਚਾਹੁੰਦਾ ਹੈ,ਕਿਸੇ ਵੀ ਧਰਮ ਨੂੰ ਨਿੰਦਣ ਦਾ ਸਾਨੂੰ ਕੋਈ ਹੱਕ ਨਹੀਂ,ਵੈਸੇ ਵੀ ਧਰਮ ਤੇ ਇਨਸਾਨ ਦਾ ਬਣਾਇਆ ਹੈ,ਰੱਬ ਵਲੋਂ ਤੇ ਧਰਮ ਨਾਂ ਦੀ ਚੀਜ਼ ਨੂੰ ਕੋਈ ਮਨਜ਼ੂਰੀ ਦਿੱਤੀ ਹੀ ਨਹੀਂ ਗਈ,ਰੱਬ ਵਲੋਂ ਸਬ ਇਨਸਾਨਾਂ ਦਾ ਇਕੋ ਹੀ ਧਰਮ ਹੈ ਤੇ ਉਹ ਹੈ ਇਨਸਾਨੀਅਤ ਜੋ ਧਰਤੀ ਤੇ ਵੱਸਦੇ ਇਨਸਾਨਾਂ ਵਿਚ ਹੈ ਹੀ ਨਹੀਂ।
ਮੈਂ ਕਿਸੇ ਧਰਮ ਦੀ ਨਿੰਦਿਆ ਨਹੀਂ ਕਰ ਰਹੀ ਤੇ ਨਾਂ ਹੀ ਮੈਨੂੰ ਇਹ ਹੱਕ ਹੈ,ਮੈਂ ਇਕ ਸਿੱਖ ਹਾਂ ਤੇ ਸਿਖ ਧਰਮ ਪ੍ਰਤੀ ਭਾਵਨਾਤਮਕ ਰੁੱਤਬਾ ਰੱਖਣ ਦੇ ਨਾਲ ਨਾਲ ਮੈ ਸਿੱਖ ਧਰਮ ਦੇ ਫਲਸਫੇ ਦਾ ਵੀ ਆਦਰ ਕਰਦੀ ਹਾਂ ਪਰ ਅੱਜ ਸਿੱਖ ਧਰਮ ਦੇ ਇਸ ਫਲਸਫੇ ਨੂੰ ਸਿੱਖ ਧਰਮ ਦੇ ਠੇਕੇਦਾਰਾਂ ਨੇ ਬਹੁਤ ਠੇਸ ਪੁਚਾਈ ਹੈ!
ਦੁਨੀਆਂ ਦੇ ਸਬ ਧਰਮਾਂ ਵਿਚ ਸਿੱਖ ਧਰਮ ਹੀ ਕੱਲਾ ਐਸਾ ਧਰਮ ਹੈ ਜਿਸ ਵਿਚ ਲੰਗਰ ਦੀ ਪ੍ਰਥਾ ਮੌਜੂਦ ਹੈ ,ਤੇ ਗੁਰੁ ਦੇ ਲੰਗਰ ਵਿਚ ਏਨੀ ਬਰਕੱਤ ਹੈ ਕਿ ਇਹ ਵੱਧਦਾ ਹੈ ਗੁਰੁ ਘਰੋਂ ਕੋਈ ਭੁੱਖਾ ਨਹੀਂ ਜਾਂਦਾ, ਇਸ ਪ੍ਰਥਾ ਅਨੁਸਾਰ ਅਮੀਰ ਤੇ ਗਰੀਬ ਰਾਜਾ ਤੇ ਰੰਕ ਸਬ ਇਕੱਠੈ ਬੈਠ ਕੇ ਲੰਗਰ ਛੱਕਦੇ ਨੇ,ਸਿੱਖ ਧਰਮ ਹੀ ਐਸਾ ਹੈ ਜਿਸ ਵਿਚ ਦੁਨੀਆਂ ਦੇ ਹਰ ਇਨਸਾਨ ਲਈ ਦਰਵਾਜ਼ੇ ਖੁੱਲੇ ਹਨ,ਪਰ ਪਿਛਲੇ ਕੁਝ ਸਮੇਂ ਤੋਂ ਗੁਰੂ ਦੇ ਸਿੰਘਾਂ ਨੇ ਸਿੱਖ ਧਰਮ ਦੀ ਛਵੀ ਨੂੰ ਢਾਹ ਲਾਈ ਹੈ
ਕਹਿੰਦੇ ਨੇ ਕੀ ਰੱਭ ਬੰਦੇ ਦੇ ਅੰਦਰ ਹੁੰਦਾ ਹੈ ਹਾਲ ਦੁਹਾਈ ਮਚਾ ਕੇ ਦੁਨੀਆਂ ਨੂੰ ਇਹ ਦੱਸਣਾ ਕੀ ਰੱਬ ਦੇ ਪਿਆਰੇ ਬੰਦੇ ਅਸੀਂ ਹੀ ਹਾਂ ਕਿਸ ਲਈ?? ਰੱਬ ਲਈ ਤੇ ਸਬ ਇਨਸਾਨ ਹੀ ਉਸ ਦੇ ਆਪਣੇ ਨੇ,ਮੇਰੇ ਕਹਿਣ ਤੋਂ ਭਾਵ ਹੈ ਕਿ ਸਿੱਖ ਹਿੰਦੁਆਂ ਨੂੰ ਕੋਸਦੇ ਸਨ ਕੀ ਜਗਰਾਤਿਆਂ ਵਿਚ ਸਾਰੀ ਰਾਤ ਸਪੀਕਰਾਂ ਵਿਚ ਰੌਲਾ ਪਾ ਕੇ ਜੇ ਰੱਬ ਲੱਭ ਜਾਏ ਤਾਂ ਘਾਟਾ ਕਿਸ ਗੱਲ ਦਾ ਹੈ?ਹੁਣ ਮੇਰਾ ਸਵਾਲ ਮੇਰੇ ਸਿੱਖ ਭਰਾਂਵਾਂ ਨੂੰ ਹੈ ਜਿਨ੍ਹਾਂ ਨੇ ਜਗਰਾਤੇ ਤੇ ਪਰਭ੍ਹਾਤ ਫੇਰੀ ਵਿਚ ਕੋਈ ਫਰਕ ਨਹੀਂ ਰਹਿਣ ਦਿੱਤਾ! ਅੱਜ ਤੋਂ ਕੋਈ ੫ ਕੁ ਸਾਲ ਪਹਿਲਾਂ ਹੀ ਜਦੋਂ ਤੜਕੇ ਪਰਭ੍ਹਾਤ ਫੇਰੀ ਆਉਂਦੀ ਸੀ ਤਾਂ ਢੋਲਕੀ ਛੈਣਿਆਂ ਦੀ ਮਿੱਠੀ ਅਵਾਜ਼ ਜੋ ਬਿਨਾਂ ਸਪੀਕਰਾਂ ਦੇ ਹੁੰਦੀ ਸੀ ਕੰਨਾਂ ਨੂੰ ਬੜੀ ਚੰਗੀ ਲੱਗਦੀ ਸੀ ਪਰ ਅੱਜਕਲ ਸਪੀਕਰਾਂ ਦੀ ਕੰਨਪਾਟਵੀਂ ਆਵਾਜ ਨੇ ਪਰਭ੍ਹਾਤ ਫੇਰੀਆਂ ਦੀ ਆਨੰਦਮਈ ਤੇ ਅਧਿਆਤਮਕਤਾ ਨੂੰ ਜਿਵੇਂ ਗਾਇਬ ਹੀ ਕਰ ਦਿੱਤਾ ਹੈ! ਪਰਭ੍ਹਾਤ ਫੇਰੀ ਕੱਢਣ ਵਾਲੇ ਆਪ ਤੇ ਤੜਕੇ ਉਠ ਕੇ ਪਰੇਸ਼ਾਨ ਹੁੰਦੇ ਹੀ ਨੇ ਨਾਲ ਸਪੀਕਰਾਂ ਦੀ ਮੌਜੂਦਗੀ ਬਾਕੀ ਲੋਕਾਂ ਲਈ ਵੀ ਪਰੇਸ਼ਾਨੀ ਦਾ ਸੱਬਬ ਬਣਦੀ ਹੈ,ਲੋਕ ਕਈ ਤਰ੍ਹਾਂ ਦੇ ਨਿੰਦਿਆ ਭਰੇ ਲਫਜ ਵੀ ਬੋਲਦੇ ਨੇ ਇਸ ਵਿਚ ਨਿਰਾਦਰ ਕਿਸ ਦਾ ਹੈ?!
ਅੱਜ ਕਲ ਗੁਰਪੁਰਬ ਦੇ ਦਿਨਾਂ ਵਿਚ ਨਗਰਕੀਰਤਨ ਕੱਢਣ ਦਾ ਬਹੁਤ ਰਿਵਾਜ ਹੈ,ਮੇਰਾ ਇਕੋ ਸਵਾਲ ਮੇਰੇ ਸਿੱਖ ਭਰਾਂਵਾਂ ਨੂੰ ਹੈ ਉਹ ਇਹ ਹੈ ਕੀ ਸਿੱਖਾਂ ਨੂੰ ਆਪਣੇ ਗੁਰੂਆਂ ਨੂੰ ਇਹ ਦੱਸਣ ਦੀ ਲੋੜ ਕਦੋਂ ਤੋਂ ਪੈ ਗਈ ਕੀ ਅਸੀਂ "ਗੁਰੁ ਕੇ ਚੇਲੇ" ਹਾਂ,ਮੇਰਾ ਖਿਆਲ ਹੈ ਕਿ ਸਾਡੇ ਗੁਰੂ ਇਹ ਤੇ ਨਹੀਂ ਕਹਿੰਦੇ ਕੀ ਸਾਰੀ ਜਨਤਾ ਨੂੰ ਪਰੇਸ਼ਾਨੀ ਵਿਚ ਪਾ ਕੇ ਤੁਸੀ ਗੁਰਪੂਰਬ ਮਨਾਉ,ਜਿਸ ਵੇਲੇ ਨਗਰ ਕੀਰਤਨ ਨਿਕਲ ਰਿਹਾ ਹੁੰਦਾ ਹੈ ਸਿੱਖ ਸੰਗਤਾ ਬੜੀ ਸ਼ਰਧਾ ਭਾਵ ਨਾਲ ਨਗਰ ਕੀਰਤਨ ਦੀ ਸੇਵਾ ਤੇ ਸਵਾਗਤ ਕਰਦੀਆਂ ਹਨ ਪਰ ਦੁਜੇ ਪਾਸੇ ਜੋ ਲੋਕ ਜਾਮ ਵਿਚ ਫਸੇ ਹੁੰਦੇ ਨੇ ਉਨ੍ਹਾਂ ਵਲੋਂ ਉਸ ਵੇਲੇ ਕੀਤੀ ਜਾ ਰਹੀ ਨਿੰਦਿਆ ਸੁਣ ਕੇ ਲੱਗਦਾ ਹੈ ਕਿ ਸਾਡੇ ਗੁਰੁ ਸਾਹਿਬਾਨਾਂ ਦਾ ਨਿਰਾਦਰ ਹੈ ਤੇ ਇਸ ਲਈ ਅਸੀਂ ਹੀ ਜ਼ਿਮੇਵਾਰ ਹਾਂ,ਦੂਜੇ ਪਾਸੇ ਅੱਜਕਲ ਨਗਰਕੀਰਤਨ ਵਿਚ ਨੌਜਵਾਨ ਮੂੰਡੇ ਮੋਟਰਸਾਇਕਲਾਂ ਤੇ ਕਰਤੱਬ ਕਰ ਕੇ ਕੀ ਵਿਖਾਉਣਾ ਚਾਹੁੰਦੇ ਨੇ?ਮੇਰਾ ਖਿਆਲ ਹੈ ਕਿ ਇਕ ਸੱਚੇ ਸਿੱਖ ਅਤੇ ਸਿੰਘ ਨੂੰ ਆਪਣੇ ਆਪ ਨੂੰ ਸਿੱਧ ਕਰਨ ਦੀ ਲੋੜ ਨਹੀਂ ਹੋਣੀ ਚਾਹੀਦੀ,ਮੇਰਾ ਮੰਨਨਾ ਹੈ ਕਿ ਜਦੋਂ ਤੁਸੀਂ ਪਰੇਸ਼ਾਨੀ ਵਿਚ ਹੋ ਜਦੋਂ ਤੁਹਾਡੇ ਕੋਲ ਵੱਕਤ ਦੀ ਕਮੀ ਹੈ ਤੁਸੀਂ ਘੜੀ ਵੱਲ ਵੇਖ ਵੇਖ ਕੇ ਪਾਠ ਕਰਨਾ ਹੈ ਤਾਂ ਇਸ ਤੋਂ ਚੰਗਾ ਹੈ ਕਿ ਪਾਠ ਨਾ ਕਰੋ,ਪਾਠ ਕਰਦੇ ਵੱਕਤ ਜੇ ਸਾਡਾ ਧਿਆਨ ਪਾਠ ਵਿਚ ਨਹੀਂ ਲੱਗ ਰਿਹਾ ਤਾਂ ਪਾਠ ਕਰਨਾ ਛੱਡ ਦਿਉ ਵਿਖਾਵੇ ਦੀ ਲੋੜ ਨਹੀਂ ਕੀ ਤੁਸੀਂ ਪਾਠ ਕਰ ਰਹੇ ਹੋ,ਤੁਹਾਡੇ ਮਨ ਵਿਚ ਰੱਬ ਦਾ ਭੈਅ ਹੋਣਾ ਚਾਹੀਦਾ ਹੈ,ਵਿਖਾਵਾ ਕਰਕੇ ਅਸੀਂ ਰੱਬ ਦਾ ਨਿਰਾਦਰ ਕਰ ਰਹੇ ਹੁੰਦੇ ਹਾਂ,ਰੱਬ ਦੇ ਬੰਦਿਆ ਦਾ ਭਲਾ ਕਰੋ ਰੱਬ ਆਪ ਨਜ਼ਰ ਆ ਜਾਏਗਾ,ਪਰ ਇਸ ਤੋਂ ਵੱਡਾ ਗੁਨਾਹ ਹੋਰ ਕੋਈ ਨਹੀਂ ਜੇ "ਮੁੰਹ ਮੇਂ ਰਾਮ ਰਾਮ ਬਗਲ ਮੇਂ ਛੁਰੀ" ਵਾਲੀ ਗੱਲ ਹੈ ਤਾਂ,ਗੁਰਦੁਆਰੇ ਸੇਵਾ ਕਰਣ ਦਾ ਉਦੋਂ ਤੱਕ ਕੋਈ ਫਾਇਦਾ ਨਹੀਂ ਜਦੋਂ ਤੱਕ ਤੁਸੀਂ ਆਪਣੇ ਫਰਜ਼ਾਂ ਤੋਂ ਵਾਕਿਫ ਨਹੀਂ ,ਬੀਬੀਆਂ ਘਰੋਂ ਗੁਰੂਦੁਆਰੇ ਆ ਕੇ ਸੇਵਾ ਕਰਦੀਆਂ ਹਨ ਤੇ ਘਰ ਜੁਵਾਕ ਭੁਖੇ ਬੈਠੇ ਉਡੀਕਦੇ ਹਨ ,ਘਰ ਦੇ ਕੰਮ ਛੱਢ ਕੇ ਲੋਕ ਨਗਰ ਕੀਰਤਨ ਵਿਚ ਸਾਰਾ ਦਿਨ ਕੱਢਦੇ ਹਨ ,ਇਸ ਤੋਂ ਚੰਗਾ ਕਿਸੇ ਰੱਬ ਦੇ ਬੰਦੇ ਦੀ ਕਿਸੇ ਜਰੂਰਤ ਨੂੰ ਪੂਰਾ ਕਰੋ ਉਸੇ ਵਿੱਚ ਰੱਬ ਹੈ,ਆਪਣੇ ਆਪ ਨੂੰ ਤਕਲੀਫ ਵਿਚ ਪਾ ਕੇ ਦੁਨੀਆ ਨੂੰ ਪਰੇਸ਼ਾਨ ਕਰਕੇ ਜੇ ਰੱਬ ਲੱਭਦਾ ਤੇ ਅੱਜ ਦੁਨੀਆਂ ਦੇ ਹਰ ਘਰ ਵਿਚ ਰੱਬ ਦਾ ਵਾਸਾ ਹੁੰਦਾ ਸ਼ਾਇਦ,ਮੇਰੀ ਗੁਜ਼ਾਰਿਸ਼ ਧਰਮ ਦੇ ਹਰ ਠੇਕੇਦਾਰ ਨੂੰ ਹੈ ਕਿ ਰੱਬ ਨੁਮਾਇਸ਼ ਦੀ ਚੀਜ਼ ਨਹੀਂ,ਰੱਬ ਆਪਣੇ ਮਨ ਵਿਚ ਲੱਭੋ ,ਰੱਬ ਗਲੀਆਂ ਬਜ਼ਾਰਾਂ ਵਿਚ ਨਹੀਂ ਆਪਣੇ ਹੀ ਮਨ ਦੇ ਕਿਸੇ ਕੋਨੇ ਵਿਚ ਹੈ……
"ਜੇ ਰੱਬ ਮਿਲਦਾ ਜੰਗਲ ਭੰਵਿਆਂ
ਤਾਂ ਮਿਲਦਾ ਗਾਈਆਂ ਵੱਛੀਆਂ"…………!
ਤਾਂ ਮਿਲਦਾ ਗਾਈਆਂ ਵੱਛੀਆਂ"…………!
ਪਰ ਇਨਸਾਨ ਦੀ ਇਨਸਾਨੀਅਤ ਹੀ ਏਨੀ ਮਾੜੀ ਹੋ ਗਈ ਹੈ ਕੀ ਅੱਜ ਰੱਬ ਮੱਝੀਆਂ ਗਾਵਾਂ ਨੂੰ ਤੇ ਮਿਲ ਜਾਏਗਾ ਪਰ ਇਨਸਾਨ ਨੂੰ ਨਹੀਂ!
................................
Jasbir Kaur has well wriiten.
ReplyDeleteI like her style of writing. She is bold to speak against the herds who are destroying our socio-cultural fabric. I wish more young women will come forward to speak against the cultural corruption.
With best wishes,
Sukhinder
Editor: SANVAD
Tel. (416) 858-7077
Email: poet_sukhinder@hotmail.com
www.canadianpunjabiliterature.blogspot.com